Այսօր մեկնարկեց ԱԺ քառօրյան: Նիստի ընթքացքում վարման կարգով ելույթ ունեցավ ԱԺ ԲՀԿ խմբակցության քարտուղար Նաիրա Զոհրաբյանը:
Նա հայտարարեց, որ խմբակցությունը լքում դահլիճը՝ պարզաբանելով. «Հաշվի առնելով հայաստանյան ներքաղաքական դաշտում ստեղծված աննախադեպ իրավիճակը, ԲՀԿ խմբակցությունը հայտարարում է, որ մենք բոյկոտում ենք այս քառօրյա նստաշրջանն ու հիմա կլքենք դահլիճը»,- ասաց տիկին Զոհրաբյանը՝ հավելելով, որ առաջիկա օրերին խմբակցությունը հանդես կգա հստակ գնահատականով և կներկայացնի իր քայլերն ու ռազմավարությունը:
Հայտարարությունից հետո ԲՀԿ պատգամավորները լքեցին դահլիճը, բացառությամբ մեկի:
