Ռուսաստանում բնակվելու կանոնները խախտելու դեպքում միգրանտներին կարգելեն 10 տարով մուտք գործել այդ երկրի: Նման օրենք է հունվարի 10-ից ուժի մեջ մտել, հայտնում է RG.ru-ն:
Համաձայն փաստաթղթի` անձը 10 տարով կզրկվի ՌԴ մուտք գործելու իրավունքից, եթե այդ երկրում մնալու սահմանված ժամկետը գերազանցել է 280 օրով: Այն միգրանտները, ովքեր Ռուսաստանի տարածքում անօրինական կերպով կբնակվեն 180 օրից ավելի, 5 տարով կզրկվեն այդ երկիր մուտք գործելու իրավունքից: Աղբյուրը փոխանցում է, որ նման օրենք նախկինում նույնպես գործում էր, սակայն այն միայն ներկայումս է խստացվում:
