ՀՀ օրենքներով կենդանիների նկատմամբ դաժան վերաբերմունքը համարվում է քրեորեն պատժելի արարք։ ՀՀ քրեական օրենսգիրքի 307-րդ հոդվածը սահմանում է պատասխանատվություն այն գործողությունների համար, որոնք վնասում են կենդանու կյանքին կամ առողջությանը։

Կենդանու նկատմամբ դաժան վերաբերմունք է համարվում

• Կենդանու կյանքը ընդհատելը՝ խեղդելով, կախելով, մասնատելով կամ թունավոր նյութ ներարկելով,
• Կենդանու ողջ վիճակում մաշկազերծումը կամ անդամահատումը,
• Կենդանիների մարտի կազմակերպումը կամ իրականացումը,
• Անտուն կենդանու բռնումը կամ հավաքը, որը հանգեցնում է խեղմանը կամ մահվան,
• Կենդանին օգտագործելը գիտահետազոտական, բժշկական կամ փորձարարական նպատակներով սահմանված կարգի խախտմամբ,
• Ցանկացած այլ դաժան վերաբերմունք։

Տուգանքներ և պատիժներ՝

• Տուգանք՝ առավելագույնը քսանապատիկի չափով,
• Հանրային աշխատանքներ՝ 80–150 ժամ,
• Կարճաժամկետ ազատազրկում՝ առավելագույնը 2 ամիս,
• Ազատազրկում՝ առավելագույնը 2 տարի։

Ցուցարար հանգամանքներ՝ պատիժների խստացում

1-ին մասով նախատեսված արարքը, եթե կատարվել է՝

• Մի խումբ անձանց կողմից նախնական համաձայնությամբ,
• Առանձին դաժանությամբ,
• 12 տարին չլրացած անձի ներկայությամբ,
• Շահադիտական դրդումներով,

պատժվում է խստացված կարգով՝

• Տուգանք՝ 10–30ապատիկի չափով,
• Հանրային աշխատանքներ՝ 100–200 ժամ,
• Կարճաժամկետ ազատազրկում՝ 1–2 ամիս,
• Ազատազրկում՝ 1–3 տարի։

Այս դրույթները նպատակ ունեն պաշտպանել կենդանիների կյանքն ու առողջությունը, կանխել դաժան վերաբերմունքը և բարձրացնել հասարակության պատասխանատվությունը կենդանիների նկատմամբ։

Հավելյալ տեղեկությունների համար կարող եք այցելել Իրավաբան.net մասնագիտական առցանց մեդիա։

Ծանուցում. սույն նյութը պատրաստված է միայն իրավական իրազեկման նպատակով և չի հանդիսանում իրավաբանական խորհրդատվություն։ Կոնկրետ իրավիճակներում իրավաբանական խորհրդատվություն ստանալու համար անհրաժեշտ է դիմել մասնագետի։