Գ. Գ.-ն 2024 թվականի օգոստոսի 15-ին՝ ժամը 09:40-ի սահմաններում, մորն ապօրինի կյանքից զրկելու նպատակով, գնացել է վերջինիս բնակության վայր, որտեղ սուր կտրող-ծակող գործիքի՝ դանակի գործադրմամբ, առանձին դաժանությամբ, բազմաթիվ հարվածներ է հասցրել Կ․մոր մարմնի տարբեր հատվածներին, կտրել է վերջինիս պարանոցը՝ ապօրինաբար զրկելով կյանքից:
Այս մասին Iravaban.net-ը տեղեկանում է «Դատալեքս» դատական տեղեկատվական համակարգից։
Գործը դատարան է ստացվել հունվարի 7-ին և մակագրվել Երևանի առաջին ատյանը ընդհանուր իրավասության քրեական դատարանի դատավոր Արմինե Մելիքսեթյանին։
Գ. Գ.-ին մեղադրանք է առաջադրվել Քրեական օրենսգրքի 155-րդ հոդվածի 2-րդ մասի 6-րդ և 9-րդ կետերի հատկանիշներով։ Այն է՝ սպանությունը, որը կատարվել է առանձին դաժանությամբ, մերձավոր ազգականի, զուգընկերոջ կամ նախկին զուգընկերոջ կողմից։
Նրա նկատմամբ խափանման միջոց է ընտրվել կալանավորումը:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
