Հայաստանի Հանրապետության քաղաքացիներն այսօր ունեն ընտրելու իրավունք, սակայն ցավոք, բոլորը չէ, որ հստակ գիտակցում են իրենց ընտրության լրջությունը և կարևորությունը: Այս մասին ֆեյսբուքյան իր էջում գրել է ֆինանսների նախարար Վահե Հովհաննիսյանը։
«Չկա այն հստակ գիտակցությունը, որ հիմա ընտրություն կատարելով` որոշում ենք մեր վաղվա ապագան, և որ որևէ մեկին «լավություն անելով»` իրականում ուղղակի ազդեցություն ենք թողնում վաղվա մեր առօրյայի և հնարավորությունների վրա:
Ժողովրդավարության զարգացումը տեղի է ունենում այն ժամանակ, երբ քաղաքացին հստակ գիտակցում է կապը այսօրվա ընտրության և վաղվա իր ապագայի միջև:
Գյումրու մեր բնակիչների մի մասը, ցավոք, չգիտակցելով իրենց սեփական ձայնի կշիռը և ընտրության կապը ժողովրդավարության հետ, բախվեցին այս դաժան իրականությանը»,-նշել է նա:
