ՌԴ արտգործնախարարության պաշտոնական ներկայացուցիչ Մարիա Զախարովան հայտարարել է, որ Մոսկվան պատրաստ է հարթակ տրամադրել Ադրբեջանի և Հայաստանի ներկայացուցիչների երկկողմ հարաբերությունները կարգավորելու շուրջ շփումների համար, ինչպես նաև խաղաղության պայմանագիր կնքելու համար, այս մասին գրում է ТАСС լրատվական գործակալությունը։
Նա նաև ընդգծել է, որ ռուսական կողմը ողջունում է խաղաղության համաձայնագրի նախագծի տեքստի շուրջ բանակցությունների ավարտը, ինչպես նաև Բաքվի և Երևանի միջև միջպետական հարաբերությունների հաստատումը։
«Աջակցում ենք այս կարևոր քայլին՝ հայ-ադրբեջանական հարաբերությունների համապարփակ կարգավորման ճանապարհին, ինչպես նախատեսված է Ռուսաստանի, Ադրբեջանի և Հայաստանի ղեկավարների 2020-2022 թթ. եռակողմ պայմանավորվածություններով»,-ասել է նա։
Զախարովան նշել է, որ Մոսկվան նպատակ ունի աջակցություն ցուցաբերել Բաքվի և Երևանի միջև մյուս խնդիրների լուծմանը, ինչպիսիք են՝ խաղաղության համաձայնագրի ստորագրումը և տարածաշրջանում տրանսպորտային հաղորդակցությունների ապաշրջափակումը։
