Այսօր՝ փետրվարի 15-ին Աբխազիայում արտահերթ նախագահական ընտրություններ են անցկացվում։ Ընտրությունները նշանակվել են նախորդ նախագահ Ասլան Բժանիայի հրաժարական տալուց հետո՝ 2024 թվականի նոյեմբերին՝ ներքաղաքական առճակատման պայմաններում։

Հանրապետության կենտրոնական ընտրական հանձնաժողովը գրանցել է հինգ թեկնածուի։

• Բադրա Գունբա (43 տարեկան) – փոխնախագահ Բժանիայի օրոք, ով դարձավ գործող պաշտոնակատար՝ պետության ղեկավարը նրա հեռանալուց հետո։ Հունվարի 10-ին, հայտարարելով ընտրություններին իր մասնակցության մասին, նա հրաժարական տվեց եւ մեկնեց արձակուրդ։
• Ադգուր Արձինբա (43 տարեկան) – 2015-ից 2020 թվականներին եղել է փոխվարչապետ և էկոնոմիկայի նախարար։
• Օլեգ Բարցից (58 տարեկան)-Աբխազիայի նախկին առևտրային ներկայացուցիչն է Ռուսաստանում (2010–2024 թթ.)։
• Ռոբերտ Արշբան (50 տարեկան)-Աբխազիայի վերահսկիչ պալատի նախկին նախագահն է (2013–2023), նախկինում պաշտոն է զբաղեցրել ֆինանսների նախարարությունում և նախագահի աշխատակազմում։
• Ադգուր Խուրհումալ (42 տարեկան)-Սեւծովյան զարգացման բանկի խորհրդի նախագահն է։

Հասարակական կարծիքի ուսումնասիրման համառուսաստանյան կենտրոնի կանխատեսումների համաձայն՝ 65%-ի հավանական մասնակցությամբ Գունբան կառաջնորդի (42,3%)։ Հաջորդում են Արձինբան (27,3%), Արշբան (11,2%), Բարցիցը (9,6%) և Խուրխումալը (4,4%)։