Ադրբեջանի իշխանություններն իսկապես պահանջել են, որ երկրում փակվի «Ռոսսոտրուդնիչեստվոյի» ներկայացուցչությունը, ինչը կապված է օրինական գրանցման բացակայության հետ, «Ռոսիա 24»-ի եթերում հաստատել է գործակալության ղեկավար Եվգենի Պրիմակովը:
«Ադրբեջանի Հանրապետությունում մեր Ռուսաստանի դեսպանատունը, մեր ներկայացուցչությունը և արտաքին գործերի նախարարությունը տարիների ընթացքում բազմիցս դիմել են Արդարադատության և Ադրբեջանի Հանրապետության արտաքին գործերի նախարարությանը՝ գրանցման հարցում օգնելու խնդրանքով: Մենք միշտ պատրաստ ենք եղել դա անել, բայց մեր կոչերը միշտ անպատասխան են մնացել»,- ասել է նա։
Ավելի վաղ Report-ը՝ վկայակոչելով աղբյուրներին, հայտնել էր, որ Բաքուն Ռուսաստանին պաշտոնական ծանուցում է ուղարկել երկրում «Ռոսսոտրուդնիչեստվո» գործակալության գործունեությունը դադարեցնելու մասին։
«Մեր երկիրն ինքը դարձել է դոնոր և դրսի օգնության կարիքը չունի», – աղբյուրի խոսքերն է մեջբերում հրատարակությունը։ Ավելի վաղ Բաքուն պահանջել էր փակել նաև ԱՄՆ ՄԶԳ ամերիկյան ծրագիրը երկրում։
