Վրաստանի ՆԳՆ-ն հայտնել է, որ Գուդաուրիի լեռնադահուկային հանգստավայրի հնդկական ռեստորանում 12 մարդու դի է հայտնաբերվել որոնցից 11-ը օտարերկրացիներ են եղել։ Գրում է РИА Новости-ն։
Ըստ նախնական տեղեկությունների՝ դիերի վրա բռնության հետքեր չկան։
«Նախնական զննությամբ դիերի վրա բռնության հետքեր չկան։ Ըստ հետաքննության նախնական տեղեկությունների, ննջասենյակներին կից փակ սենյակում տեղադրվել է գեներատոր, որը միացվել է նախօրեին՝ հավանաբար օբյեկտի հոսանքազրկումից հետո»,- նշում են ՆԳՆ-ից։
Նշանակվել է նաև դատաբժշկական փորձաքննություն՝ մահվան ստույգ պատճառը պարզելու համար։
