Վաշինգտոնից Կիևին ռազմական օգնության դադարեցումը կհանգեցնի Ուկրաինայի պարտությանը. Վլադիմիր Զելենսկին նման հայտարարություն է արել Fox News-ին տված հարցազրույցում։
Նրան հարց է տրվել՝ ի՞նչ կլինի, եթե ԱՄՆ-ը դադարեցնի կամ կրճատի իր ֆինանսավորումը Ուկրաինային։
«Եթե օգնությունը դադարեցվի, ես կարծում եմ, որ մենք կպարտվենք»,- պատասխանել է Զելենսկին։
Զելենսկին նաև «շատ վտանգավոր» է համարել, եթե ուկրաինական հարցում եվրոպական երկրների միջև չկա միասնություն, և եթե դա չկա Միացյալ Նահանգների և Ուկրաինայի միջև։
Ուկրաինայի նախագահը նաև համոզված է, որ Դոնալդ Թրամփը կարող է հասնել Ուկրաինայի հակամարտության ավարտին։
Ավելի վաղ գերմանական Welt թերթը հայտնել էր, որ Կիևը ցանկանում է որքան հնարավոր է շուտ անցկացնել Զելենսկու և Թրամփի հանդիպումը։ Աղբյուրի փոխանցմամբ՝ Կիևի ղեկավարությունն անհանգստացած է հանրապետականների աչքում իր անորոշ կարգավիճակի պատճառով և մտավախություն ունի, որ Ուկրաինան ստիպված կլինի համաձայնել ԱՄՆ ապագա նախագահի բոլոր պահանջներին։
Միևնույն ժամանակ, ուկրաինական լրատվամիջոցները հայտնում են, որ Զելենսկին բառացիորեն շփոթված է հակամարտությունը դադարեցնելու դաշնակիցների ցանկությամբ և նրան բանակցելու ստիպելու մտադրություններից:
