Ադրբեջանի նախագահ Իլհամ Ալիևը COP29-ի շրջանակներում հանդիպել է Մեծ Բրիտանիայի և Հյուսիսային Իռլանդիայի Միացյալ Թագավորության վարչապետ Քիր Սթարմերի հետ։

Զրույցի ընթացքում բարձր է գնահատվել Մեծ Բրիտանիայի կողմից Ադրբեջանում ականազերծմանն ուղղված աջակցությունը։

Մեծ Բրիտանիայի և Հյուսիսային Իռլանդիայի Միացյալ Թագավորության վարչապետը հետաքրքրվել է Հայաստանի և Ադրբեջանի միջև բանակցային գործընթացով։

Իլհամ Ալիևը նշել է, որ ներկայումս կողմերի միջև ընթանում են խաղաղ պայմանագրի շուրջ բանակցություններ, պայմանագրի տեքստի զգալի մասն արդեն համաձայնեցված է, լուրջ առաջընթաց կա Հայաստանի և Ադրբեջանի միջև սահմանների սահմանազատման և սահմանագծման հարցում։

Ալիևը հայտարարել է «Ադրբեջանի նկատմամբ տարածքային պահանջները» Հայաստանի Սահմանադրությունից բացառելու կարևորության մասին։

Ադրբեջանի նախագահն ընդգծել է ժողովուրդներին խաղաղության նախապատրաստելու կարևորությունը՝ խաղաղ գործընթացն առաջ մղելու և խաղաղ պայմանագիր ստորագրելու համար։