ԱՄՆ արդարադատության նախարարությունը հայտարարել է, որ Իրանը պատրաստում էր Թրամփի սպանությունը։ Հետաքննությունների դաշնային բյուրոն (FBI) էլ տապալել է հանցագործների ծրագրերը։
ԱՄՆ իշխանությունները հեռակա մեղադրանք են առաջադրել 51-ամյա Ֆարհադ Շաքերիին։ Քննիչները ասում են, որ նա «գլխավորել է հանցավոր գործընկերների ցանցը, որպեսզի իրագործի իր թիրախներին սպանելու Իրանի ծրագրերը, այդ թվում՝ նորընտիր նախագահ Դոնալդ Թրամփին»։ Այս ամսին հայտարարել է նաև ԱՄՆ գլխավոր դատախազ Մերրիկ Գարլանդը:
Հետաքննությունների դաշնային բյուրոյի տնօրեն Քրիստոֆեր Ռեյը հայտարարել է, որ «ՀԴԲ-ի քրտնաջան աշխատանքի շնորհիվ» հանցագործների ծրագրերը խափանվել են։
Ֆարհադ Շաքերին բնիկ իրանցի է, ով մանկուց ապրել է ԱՄՆ-ում։ Նա երկրից վտարվել է 2008 թվականին՝ կողոպուտի մեղադրանքով` 14 տարվա պատիժ կրելուց հետո։ Հետաքննությունը կարծում է, որ իր ազատազրկման ընթացքում նա հանդիպել է նրանց, ում նա օգտագործել է հսկողության համար Իսլամական հեղափոխության պահապանների կորպուսի անունից։
Շաքերին մնում է ազատության մեջ և ենթադրվում է, որ նա գտնվում է Իրանում:
