Հանրային Հեռուստաընկերություն տնօրեն Հովհաննես Մովսիսյանը եկավ Բագրատ արքեպիսկոպոս Գալստանյանի հետ հանդիպման։
Լրագրողների այն հարցին, թե ի՞նչ առաջարկով է եկել, նա ասաց, որ առաջարկն արդեն հնչեցրել է․ «Մենք առաջարկել ենք ուղիղ եթերում հարցազրույց, եթե կա ուղերձ անելու ցանկություն, մենք կարող ենք հնարավորություն տալ նաև այդ ընթացքում ուղերձով հանդես գալ, սա է մեր առաջարկը և սպասում ենք արձագանքի»։
Նա խնդրեց, որ 68-ամյա կառույցին՝ Հանրային հեռուստաընկերությանը, վերաբերվել հարգանքով։
Կարեն Բեքարյանը և Հովհաննես Մովսիսյանը ուղիղի եթերում բանակցեցին, թե ինչ պայմաններով պետք է լինի եթեր տրամադրելը։ Հովհաննես Մովսիսյանն ասց, որ իրենք պատրաստ են տրամադրել ուղիղ եթե, եթե ցանկանում են ուղերձը կարող է լինել սկզբում, իսկ հարցերին պատասխանելը՝ դրանից հետո։
Կարեն Բեքարյանն առաջարկեց կոմպրոմիսային տարբերակ, որ հարցազրուցավար չլինի, Սրբազանը դիմի հանրությանը։
Հանրային հեռուստաընկերության տնօրենն ասաց, որ հարցազրուցավարը լինելու է Պետրոս Ղազարյանը։ Կարեն Բեքարյանն ասաց, որ պետք է խորհրդակցեն Բագրատ Սրբազանի հետ։
