Այսօր՝ հոկտեմբերի 2-ին, Ազգային ժողով – Կառավարություն հարցուպատասխանի ժամանակ ԱԺ պատգամավոր Արծվիկ Մինասյանը վարչապետին հարցրեց՝ ինչու է արգելվում ընդդիմադիր պատգամավորներին խաղաղության կանոնակարգին ծանոթանալ։ Նաև հարցրեց՝ ի՞նչ իրավական հիմքով է 2021 թվականին Սյունիքի մարզի Շուռնուխ համայնքում հանձնվում ՀՀ իրավազորության ներքո գտնվող տարածքները, և ի՞նչ իրավական հիմքով է 2024 թ․ հանձնվում Կիրանցի հատվածում կադաստրային վկայականներով հաստատված ՀՀ քաղաքացիների սեփականությունը, եթե չկա այդպիսի իրավական հիմք, և միայն այս կանոնակարգը նոր է ստեղծում այդ իրավական հիմքը, ապա ինչպես կբնութագրի Փաշինյանն իր գործողությունները։

Նիկոլ Փաշինյանը պատասխանեց․ «ՀՀ ինքնիշխան տարածքի որևէ միլիմետր որևէ մեկին չի հանձնվել, ընդհակառակը, ՀՀ տարածքային ամբողջականությանը ոչ միայն վնաս չի հասցվել, այլ արձանագրվել է ՀՀ տարածքային ամբողջականությունը»։

Առաջին հարցին ի պատասխան՝ ասաց․ «Ես իմ անձնական որոշմամբ էդ հնարավորությունը տվել եմ, որ դուք ծանոթանաք էդ թղթերին։ Էդ թղթերին ծանոթացել եք, հետո իրականության հետ կապ չունեցող սոցիալական ցանցերում ինչ-որ գրառումներ արել, Ձեր քաղաքական նպատակներով շահարկել, ես էլ արգելել եմ, լավ եմ արել, որովհետև Դուք գնաք, տեքստը կարդաք, գաք տեքստի մասին հեքիաթներ պատմեք, մենք էլ սենց սուսուփուս նստե՞նք»։

Մանրամասները՝ տեսանյութում։