Կուրսկի շրջանի Լգովի քաղաքապետ Ալեքսեյ Կլեմեշովը հայտնել է, որ քաղաքը ենթարկվել է ուկրաինական զինված ուժերի հրետանային կրակի։ Հայտնում է Meduza-ն։
Հարձակման հետևանքով վնասվել են «Լգով-Կիևյան» կայարանի երկաթուղային գծերը, ինչպես նաև երկու բնակելի շենք, ասել է Կլեմեշովը։ Ըստ աղբյուրի՝ հրդեհ է բռնկվել քաղաքի գործարաններից մեկի պահեստում, այն արագ մարվել է, և տուժած բնակիչներ չեն եղել։
«Ես քաղաքը լքածներին խորհուրդ չեմ տալիս վերադառնալ, քանի դեռ իրավիճակը լիովին չի կայունացել»,- ասել է Ալեքսեյ Կլեմեշովը:
Լգով քաղաքը մեծ երկաթուղային հանգույց է, երկաթուղին Լգովից տանում է Բրյանսկի, Վորոնեժի, Կուրսկի, ինչպես նաև Ուկրաինայի ուղղությամբ։
