Թուքիան արգելափակել է մուտքը Instagram։ Իշխանությունները որևէ պատճառաբանություն չեն ներկայացրել այս որոշման համար։

Տեղեկատվական տեխնոլոգիաների տեղական կարգավորիչը խոսել է արգելափակման մասին՝ չնշելով արգելքի պատճառն ու տևողությունը։ Արդյունքում սոցցանցի բջջային հավելվածն անհասանելի է դարձել օգտատերերի համար։

Չորեքշաբթի օրը Թուրքիայի նախագահի հաղորդակցության գծով տնօրեն Ֆահրեթթին Ալթունը քննադատել է Instagram-ը Իրանում պաղեստինյան ՀԱՄԱՍ խմբավորման գլխավոր առաջնորդ Իսմայիլ Հանիայի սպանության կապակցությամբ ցավակցական գրառումներն արգելափակելու համար։

«Սա գրաքննություն է իր մաքուր ձևով», – ասել է Ալթունը:

Այսօր արդեն Թուրքիայի տեղեկատվական տեխնոլոգիաների և հաղորդակցության վարչությունն արգելափակել է սոցիալական ցանցերը, սակայն չի նշել, թե որն է այս որոշման պատճառը։ Հայտնի չէ՝ որքան ժամանակով է պլատֆորմն արգելափակվել։