ՆԳՆ Փրկարար ծառայությունից հայտնում են, որ հունիսի 5-ին՝ ժամը 18:54-ին, Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Վաղարշապատ քաղաքի Սպանդարյան փողոցում գտնվող սուպերմարկետի տանիքում։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է Սպանդարյան փողոցում գտնվող սուպերմարկետին կից շինության տանիքում:
Հրդեհը մեկուսացվել է ժամը 19:38-ին, մարվել՝ 20:56-ին: Այրվել է տանիքի փայտե կառուցատարրերից մոտ 50 քմ հատվածը:
