Իրանի պետական հեռուստատեսության թղթակիցը, ով ուղեկցել է Իրանի նախագահ Էբրահիմ Ռաիսիին Իրան-Ադրբեջան սահման կատարած այցի ժամանակ, մանրամասներ է հաղորդել նախագահի հետ ուղղաթիռի վթարի մասին։
«Մենք գտնվում ենք Վարզգան քաղաքի Սոնգուն պղնձի հանքի մոտ, ուղղաթիռի GPS-ը ցույց է տալիս, որ այն կոշտ վայրէջք է կատարել, թանձր մառախուղ է, տեսանելիությունը մոտ 5-6 մետր է, այս տարածքով մեքենա վարելը չափազանց դժվար է, և միայն մի քանի մեքենաներ կարող են հասնել դեպքի վայր։ Սա բարդացնում է իրավիճակը», – ասել է թղթակիցը IRIB պետական հեռուստաալիքի եթերում:
«Ես ուղղաթիռում չէի և մեքենայով վերադարձա, նախագահին ուղեկցում էր 3 ուղղաթիռ, երկու ուղղաթիռ վերադարձել է, նախագահը պետք է գնար այս քաղաք՝ Թավրիզի նավթավերամշակման գործարանում նախագիծ բացելու։ Ցուրտ է, ուժեղ քամի է, և այս պայմանները պատճառ դարձան նախագահի ուղղաթիռի կոշտ վայրէջքին»,- հավելել է նա։
Օպերատիվ տեղեկատվությունը՝ այստեղ։
