Մարտի 12-ին, ժամը 13։17-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լեռնահովիտ գյուղի սկզբնամասում այրվում է կուտակած անասնակեր։
Դեպքի վայր է մեկնել մարզային փրկարարական վարչության հրշեջ-փրկարարական ջոկատից երկու
մարտական հաշվարկ:
Պարզվել է, որ գյուղի 9-րդ փողոցի տներից մեկի բակում այրվում է կուտակած անասնակեր։
Հրդեհը մեկուսացվել է ժամը 13։41-ին, մարվել՝ 21:12-ին։ Այրվել է մոտ 700 հակ անասնակեր։
