Հայաստանը որոշ օգտակար հանածոների պաշարների հարստությամբ ու բազմազանությամբ աշխարհում առաջատար դիրք է զբաղեցնում։ Օրինակ՝ մետաղական օգտակար հանածոներից պղնձի և մոլիբդենի պաշարների առկայությունը:
Այս մասին նշվում է Հանքարդյունաբերության ոլորտի զարգացման ռազմավարությունում ներկայացված վերլուծություններից մեկում։
Ոչ մետաղական օգտակար հանածոների հաստատված պաշարները նույնիսկ խոշորամասշտաբ արդյունահանման պարագայում կարող են բավարարել հարյուրավոր տարիներ: Այստեղ կարևոր նշանակություն ունեն տուֆերը, պեռլիտները, պեմզաները, ցեոլիտները, հրաբխային խարամները, բազալտները, գրանիտները, մարմարները և այլն:
Հանքարդյունաբերական արտադրանքը մեծ պահանջարկ է վայելում միջազգային շուկայում։
