Ազգային անվտանգության ծառայությունը պետական գաղտնիք պարունակող տեղեկությունների օգտագործմամբ աշխատանքների կատարմանը խոչընդոտող հիվանդությունների ցանկը հաստատելու մասին կառավարության որոշոման նախագիծ է ներկայացրել, որով առաջարկվում է հաստատել արդի դասակարգման պահանջներին համապատասխանող հիվանդությունների ցանկը։

Iravaban.net-ը հայտնում է, որ նախագծով առաջարկվող հիվանդությունների առանձին ցանկի հաս­տատ­ման անհրաժեշտությունը պայմանավորված է նաև այն հանգամանքով, որ նախագծով առա­ջարկվող հիվանդությունների ցանկը տա­րածվելու է բոլոր ՀՀ քաղաքացիների, օտար­երկրյա քաղաքացիների և քաղաքացիություն չունեցող անձանց վրա՝ անկախ կարգավիճակից, զբաղեցրած պաշտոնից և այլ հանգամանքներից, ի տարբերություն ներկայումս գործող՝ գործունեության մի շարք տեսակների իրականացմանը խոչընդոտող հիվանդությունների բազմաթիվ ցան­կե­րի, օրինակ՝ Կառավա­րու­թյան 2019 թվականի փետրվարի 15-ի N 98-Ն որոշմամբ հաս­տատ­վել է հանրային ծառայության պաշտոնն զբաղեցնելու դեպքում լիազորությունների իրա­կա­նացմանը խոչընդոտող հիվանդությունների ցանկը, որոնք առնչվում են հստակ շրջանակի կամ կատեգորիայի անձանց:

Նշված ցանկում ներառված հիվանդություններն են․

1. Օրգանական (ներառյալ սիմպտոմատիկ) հոգեկան խանգարումներ (F00-F09),
2. Հոգեկան և վարքային խանգարումներ հոգեակտիվ նյութերի գործածման հետևան­քով (F10-F19),
3. Շիզոֆրենիա, շիզոտիպային և զառանցանքային խանգարումներ (F20-F29),
4. Տրամադրության (աֆեկտիվ) խանգարումներ (F30-F39),
5. Չափահասի անձի և վարքի խանգարումներ (F60-F69),
6. Մտավոր հետամնացություն (F70-F79),
7. Էպիլեպսիա (G40)։