Անձնագրի վավերականության ժամկետը երկարացնելու համար հաշվառում ունեցող քաղաքացին կամ քաղաքացու կողմից լիազորված անձը (լիազորագիրը վավերացված նոտարական կարգով) ներկայանում է ոստիկանության տարածքային բաժին և դիմում անձնագրային ծառայության աշխատակցին` անձնագրի վավերականության ժամկետը երկարացնելու համար` ներկայացնելով անձնագիրը:
Վերոգրյալը վերաբերվում է նաև հաշվառում չունեցող քաղաքացիներին` այն տարբերությամբ, որ հաշվառում չունեցող քաղքացին ներկայանում է ՀՀ ոստիկանության անձնագրային և վիզների վարչություն, որտեղ ներկայացնում է դիմում:
Անձնագրային վավերականության ժամկետը երկարացվում է ժամկետը լրանալու օրից 5 տարի ժամանակով:
Անձնագրի վավերականության ժամկետը երկարացնելու համար որևէ վճարում չի կատարվում:
Անձնագրի վավերականության ժամկետի երկարացումը կատարվում է մեկ աշխատանքային օրվա ընթացքում:
