Իրանի բանակի մարտական ստորաբաժանումները ստացել են երկրի պաշտպանական արդյունաբերության ներքին արտադրության ավելի քան 200 հեռահար ռազմավարական անօդաչու թռչող սարք։
«Արմենպրես»-ի հաղորդմամբ, այս մասին հայտնում է իրանական IRNA գործակալությունը:
Աղբյուրի հաղորդմամբ՝ ավելի քան 200 հեռահար ռազմավարական անօդաչու թռչող սարքերը, որոնք մշակվել և արտադրվել են պաշտպանության նախարարության և բանակի միջև համագործակցության արդյունքում, տեղափոխվել են Իրանի Իսլամական Հանրապետության բանակի մարտական ստորաբաժանումներ՝ երկրի մի քանի շրջաններում տեղի ունեցած արարողությունների ժամանակ:
Արարողություններին ներկայացվել են ռազմավարական անօդաչու թռչող սարքերի մի քանի տարբերակներ:
Ըստ աղբյուրի՝ անօդաչու թռչող սարքերը կարող էին հարվածել շարժվող և անշարժ թիրախներին: Այս անօդաչու թռչող սարքերը ենթարկվել են շարժիչային համակարգի փոփոխությունների և հագեցած են եղել հետախուզական, կառավարման և նավիգացիոն համակարգերով, հեռահար ռումբերով և էլեկտրոնային մարտական համակարգերով ՝ հատուկ առաջադրանքներ կատարելու համար:
