.png)
Դատարանը պարտավոր է պատճառաբանված որոշում կայացնել և որոշման մեջ անդրադառնալ դատաքննության ընթացքում մեղադրյալի բոլոր պնդումներին:
Եթե որոշումը պատճառաբանված չէ, անձը զրկվում է որոշումը վերադաս դատարանին արդյունավետ կերպով բողոքարկելու հնարավորությունից:
Հետևաբար անձը զրկվում է նաև դատարանի մատչելիության իրավունքից, քանի որ ոչ միայն դատարանը պետք է լինի մատչելի անձի համար, այլև դատարանի մատչելիությունը արդյունավետ:
Անձը չի կարող արդյունավետ բողոքարկել դատավճիռը, եթե դատավճռում դատարանը ամբողջությամբ և մանրամասնորեն չի ներկայացնում իր տեսանկյունը վիճելի հարցի կապակցությամբ:
Սակայն դատարանի մատչելիությունը միայն դրանով չի սահմանափակվում. Այն առավել լայն հասկացություն է:
Օրինակ, եթե դատարանը ուշացումով է տրամադրում դատավճիռը, ապա դատավարության մասնակցող կողմը կարող է բավարար ժամանակ չունենալ բողոքարկումը օրենքով սահմանված ժամկետում կատարելու համար:
Արդյունքում անձը զրկվում է դատարան դիմելու իրավունքից:
