Որպես կանոն, մեղադրյալին պետք է տրվի բավարար միջոցներ և ժամանակ, որպեսզի վերջինս կարողանա արդյունավետ կազմակերպել իր պաշտպանությունը:
Դա նշանակում է մի շարք իրավունքներ:
Մեղադրյալին պետք է հնարավորություն տրվի շփվել փաստաբանի հետ` իր պաշտպանությունը կազմակերպելու նպատակով:
Կալանքի տակ գտնվող անձին պետք է իրավունք տրվի գաղտնազրույց ունենալ իր պաշտպանի հետ` առանց քննիչի կամ որևէ այլ անձի ներկայության:
Փաստաբանի հետ հանդիպումների քանակի վրա սահմանափակումները կարող են դրվել միայն բացառիկ դեպքերում:
Անձը պետք է բավարար ժամանակ ունենա գործի նյութերին ծանոթանալու, հակառակ դեպքում կարող է պահանջել հետաձգել գործի քննությունը:
