Իրանի, Սիրիայի, Ռուսաստանի եւ Թուրքիայի արտաքին գործերի նախարարների քառակողմ հանդիպումը, որը պետք է կայանար ապրիլի 10-ին, հետաձգվել է։ Այն կկայանա մայիսին, սակայն հստակ օրը դեռ չի նշվում։ Այս մասին հայտարարել է Սիրիայում ՌԴ դեսպան Ալեքսանդր Եֆիմովը։ Գրում է Irna գործակալությունը։
Ռուսաստանի դեսպանն ասել է, որ այս ձևաչափով շփումներն ու խորհրդակցությունները շարունակվում են՝ դրական արդյունքների հասնելու համար։
Նրա խոսքով՝ Անկարայի և Դամասկոսի միջև հարաբերությունների կարգավորման ճանապարհը երկար է, և անհնար է բոլոր դեպքերը դիտարկել երկխոսության կամ բանակցությունների մեկ փուլի ընթացքում։
Գլխավոր լուսանկարը՝ Irna գործակալության։
