Ապրիլի 9-ին, ժամը 06։51-ին Արարատի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Այնթապ գյուղի 8-րդ փողոցի տներից մեկում։
Ինչպես հայտնում են ՀՀ ներքին գործերի նախարարության փրկարար ծառայությունից, դեպքի վայր են մեկնել ՆԳՆ ՓԾ մարզային փրկարարական վարչության և Երևան քաղաքի փրկարարական վարչության հրշեջ-փրկարարական ջոկատներից մեկական մարտական հաշվարկ։
Հրդեհը մեկուսացվել է ժամը 07:31-ին, մարվել՝ 07:45-ին: Այրվել են տան հյուրասենյակի կախովի առաստաղը՝ մոտ 10 քմ և կահույքը:
