Ուկրաինայի համար չինական խաղաղության ծրագրի շատ կետեր կարող են հիմք ընդունվել կարգավորման համար, երբ դրան պատրաստ լինեն Արևմուտքում և Կիևում։ Այս մասին այսօր՝ մարտի 21-ին, Չինաստանի նախագահ Սի Ցզինպինի հետ բանակցություններից հետո հայտարարել է ՌԴ նախագահ Վլադիմիր Պուտինը, փոխանցում է «ՏԱՍՍ»-ը։
«Մենք կարծում ենք, որ Չինաստանի կողմից ներկայացված խաղաղության ծրագրի շատ դրույթներ համահունչ են ռուսական մոտեցումներին և կարող են հիմք հանդիսանալ խաղաղ կարգավորման համար, երբ Արևմուտքը և Կիևը պատրաստ լինեն դրան», – ասել է Պուտինը։
Միաժամանակ նա նշել է, որ «առայժմ նման պատրաստակամություն չկա» մյուս կողմից։
