Ռուսաստանը դիտարկում է Ադրբեջանի և Հայաստանի միջև կարգավորման հարցերը, հայտարարել է ՌԴ նախագահ Վլադիմիր Պուտինը իր ադրբեջանցի գործընկեր Իլհամ Ալիևի հետ հանդիպման ժամանակ՝ առաջարկելով քննարկել այդ թեման։
«Բնականաբար, մենք միշտ ուշադրություն ենք դարձնում տարածաշրջանում իրավիճակի կարգավորման հետ կապված հարցերին: Հուսով եմ, որ մենք կօգտագործենք այս հնարավորությունը՝ կրկին քննարկելու բոլոր հարցերը և համեմատելու ժամացույցները»,- ասել է Պուտինը։
Պուտինը նշել է, որ հարցերը շատ են, միշտ խոսելու բան կա։
«Ռուսաստանը մնում է առաջատար առևտրատնտեսական գործընկերներից մեկը: Առևտրաշրջանառությունն աճում է… Մեր տնտեսական օպերատորները 4,5 միլիարդ դոլար են ներդրել Ադրբեջանի տնտեսության մեջ», – հավելել է նա:
Նշենք, որ Պուտինն ու Ալիևը հանդիպել են վերջերս՝ հոկտեմբերի 7-ին Սանկտ Պետերբուրգում ԱՊՀ երկրների ղեկավարների ոչ պաշտոնական գագաթնաժողովում։ Քիչ առաջ նրանք հանդիպել են Սամարղանդում ՇՀԿ գագաթնաժողովի շրջանակում։ Այնուհետեւ Պուտինը մտահոգություն է հայտնել հայ-ադրբեջանական սահմանին իրավիճակի սրման կապակցությամբ, թեեւ նշեց, որ էսկալացիան կասեցվել է։
