Մարդկությունն ու մարդկայնությունն ավելի ուժեղ են ցանկացած ահաբեկչից։ Այս մասին ֆեյսբուքյան իր էջում գրել է Ուկրաինայի նախագահ Վլադիմիր Զելենսկին՝ հրապարակելով մի քանի լուսանկար։
«Դրա համար էլ ահաբեկչությունն անխուսափելիորեն գլոբալ արձագանք է ստանում։ Փա՛ռք մեր հրաշալի ժողովրդին։ Ամենը՝ ինչ քանդված է, մենք կվերականգնենք»,-նշել է նա։
Հիշեցնենք, որ հոկտեմբերի 8-ին, Ղրիմի կամրջի վրա բեռնատար է պայթեցվել, ինչի հետևանքով գնացքի վառելիքի բաքերը բռնկվել են։ ՌԴ նախագահ Վլադիմի Պուտինը տեղի ունեցածը որակել է ահաբեկչություն․ նրա խոսքով՝ այն իրականացրել են Ուկրաինայի հատուկ ծառայությունները։
Հոկտեմբերի 10-ին էլ հարվածներ են հասցվեն Ուկրաինայի մայրաքաղաքին՝ Կիևին, Լվովին, Դնեպրին։
——————
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
Ռուսաստանի Դաշնությունում սեպտեմբերի 21-ին մասնակի զորահավաք է հայտարարվել։
