.png)
Կտակ է համարվում քաղաքացու մահվան դեպքում նրան պատկանող գույքի տնօրինման վերաբերյալ նրա կամքի արտահայտությունը: Մահվան դեպքում գույքը կարող է տնօրինվել միայն կտակի միջոցով:
Կտակ կարող է անել գործունակ քաղաքացին: Քաղաքացին կտակը պետք է անի անձամբ. այսինքն՝ ներկայացուցչի միջոցով կտակ անել չի թույլատրվում:
Հաճախ է ծագում հարց, թե ամուսինները կարո՞ղ են իրենց համատեղ գույքը կտակել մեկ կտակով: Այս հարցի պատասխանը բացասական է, քանի որ կտակը կարող է պարունակել միայն մեկ անձի կարգադրություններ. երկու և ավելի անձանց կողմից կտակ անել չի թույլատրվում:
Կտակը միակողմանի գործարք է, որի վավերությունը որոշվում է ժառանգությունը բացվելու պահին:
