Չեչնիայի ղեկավար Ռամզան Կադիրովը հայտարարել է Գրոզնիում հակապատերազմական ցույցին 15-20 կանանց մասնակցության մասին, նրանց ձերբակալել են և սպառնացել, որ իրենց երեխաներին կուղարկեն Ուկրաինայի դեմ կռվելու։
Նա իր տելեգրամյան ալիքում տեսանյութ է հրապարակել, որի համաձայն՝ 20 կանանցից երեքի տղաներ ունեն, ովքեր մասնակցում են Ուկրաինայի դեմ պատերազմին։ Նրանցից երկուսը միայն մեկ որդի ունեն։
Կադիրովը նաև կոչ է արել հանրապետության բնակիչներին դուրս չգալ հակապատերազմական ցույցերի, իսկ դուրս եկածներին անվանել է «ժողովրդի թշնամիներ» և պահանջել ուղարկել մարտական գործողությունների գոտի։
Կադիրովի խոսքով՝ իր վերահսկողության տակ գտնվող հանրապետությունում ռազմական գործողություններին մասնակցելուց հրաժարվելու ոչ մի դեպք չկա, և Ուկրաինա ուղարկված բոլոր զինվորականները ինքնակամ են գնացել։
Չեչնիայի բնակիչները փակ մեսենջերային չաթերում անանուն կոչեր են ուղարկում Կադիրովին՝ իրենց երեխաներին Ուկրաինա չուղարկելու խնդրանքով։
