Մոսկվայի կենտրոնում գտնվող Արբատում ձերբակալություններ են սկսվել Ռուսաստանում հայտարարված մոբիլիզացիայի դեմ երթի ժամանակ, հայտնում են  Sota և Avtozak LIVE-ը։ Ինչպես ОВД-Инфо-ին պատմեց ձերբակալվածներից մեկը, տասից ավելի մարդու նստեցրել են ոստիկանական մեքենաներ։ Բերման ենթարկելու ժամանակ ցուցարարներից մեկը կորցրել է գիտակցությունը։

Իր հերթին Медиазона-ն նշում է, որ երթի մեկնարկից անմիջապես հետո ոստիկանությունը սկսել է բերման ենթարկել ցուցարարներին։ Ակցիայի մասնակիցները փորձել են շղթա ստեղծել Արբատի սկզբում։ Ցուցարարներից ոմանք վանկարկել են՝ «Կյանք մեր երեխաներին» և «Պուտինը՝ խրամատներում»։

Բողոքի ակցիային, ի թիվս այլոց, ներկայացել են կանայք, որոնց որդիները համապատասխանում են զորակոչի տարիքին։

Հիշեցնենք, ոչ սեպտեմբերի 21-ին Վլադիմիր Պուտինը Ռուսաստանում մոբիլիզացիա է հայտարարել։ Իշխանությունները խոստացել են զանգահարել 300 հազար մարդու։ Ենթադրվում է, որ սկզբում կկանչվեն բանակում ծառայածներն ու պահեստազորում մնալու պայմանագիր կնքածները, իսկ հետո ռեզերվում գտնվող տղամարդիկ։ Դրանից հետո ամբողջ Ռուսաստանում բողոքի ակցիաներ են սկսվել այս որոշման դեմ։

Մոսկվայի ժամանակով ժամը 19:45-ի դրությամբ 23 քաղաքներում արդեն բերման է ենթարկվել ավելի քան 364 մարդ։ Իրավապաշտպանների տվյալներով՝ Մոսկվայում առնվազն 89 մարդ է բերման ենթարկվել, իսկ Սանկտ Պետերբուրգում՝ առնվազն 96 մարդ։