Ռուսաստանը շարունակում է առարկայական աշխատանքը Երևանի և Բաքվի հետ՝ Հարավային Կովկասում տրանսպորտային կապերն ապաշրջափակելու հարցերի շուրջ, ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ հավելելով, որ աշխատանքը ենթադրում է կոնկրետ երթուղիների փաթեթային լուծում։
Անդրադառնալով Ադրբեջան-ԵԱՏՄ համագործակցության հնարավոր ձևաչափերին՝ Զախարովան նշել է, որ Ադրբեջանի և ԵԱՏՄ-ի միջև ցանկացած ձևաչափով երկխոսության զարգացումը զգալի ազդեցություն կունենա տարածաշրջանի համար:
Նա հայտարարել է, որ ԵԱՏՄ-ի և Ադրբեջանի համագործակցության պոտենցիալը բավականին բարձր է և դա կնպաստի հայ-ադրբեջանական հարաբերությունների կարգավորմանը:
