Մեծ Բրիտանիայում իշխող կուսակցությունը չկարողացավ հավաքել բավարար ձայներ՝ վարչապետ Բորիս Ջոնսոնին անվստահություն հայտնելու համար: Այս մասին ասել է Պահպանողական կուսակցության ղեկավար կոմիտեի նախագահ Գրեհեմ Բրեյդին, փոխանցում է «ՌԻԱ Նովոստին»:
Ընդհանուր 399 ձայն է եղել։ Անվավեր քվեաթերթիկներ չեն եղել: Բորիս Ջոնսոնին կողմ ձայների թիվը եղել է 211, դեմ՝ 148։
«Կարող եմ հայտարարել, որ խորհրդարանական կուսակցությունը վստահում է գործող վարչապետին»,- ասել է նախագահը։
Նշենք, որ պաշտոնը պահպանելու համար Ջոնսոնին անհրաժեշտ էր հավաքել առնվազն 180 ձայն։
Հիշեցնենք, որ Ջոնսոնի կառավարությունը մեղադրվում էր COVID-19 համաճարակի ժամանակ ալկոհոլով խնջույքներ կազմակերպելու համար, երբ նման հավաքներն արգելված էին ողջ երկրում։ Վերջերս հետաքննությունը պարզել է, որ Ջոնսոնն անձամբ է մասնակցել այդ երեկույթներին, ինչը նա նախկինում հերքել է։
Միջադեպը հանգեցրել է Ջոնսոնի վարկանիշի անկմանը։
