Ֆրանսիայի հրապարակից մեկնարկեց «Դիմադրության» շարժման երթը Աբովյան փողոցով դեպի Հանրապետության հրապարակ: Ոստիկանությունը շղթա կազմեց և թույլ չէր տալիս, որպեսզի երթը մոտենա կառավարության շենքին:
Ոստիկանության հետ բանակցություններն արդյունք չտվեցին և ցուցարարները ճեղքեցին ոստիկանների շղթան՝ շարժվելով դեպի կառավարության շենքի ուղղութամբ և շրջափակեցին այն:
Շարժման առաջնորդներից Իշխան Սաղաթելյանը հայտարարեց, որ ընդդիմության ակցիայի նպատակն է միջազգային հանրությանը ցույց տալ, որ Նիկոլ Փաշինյանը մանդատ չունի Հայաստանը ներյայացնելու համար:
