Թուրքիայի արտգործնախարար Մևլութ Չավուշօղլուն հեռախոսազրույց է ունեցել ադրբեջանցի պաշտոնակցի՝ Ջեյհուն Բայրամովի հետ։ Այս մասին հաղորդագրություն է հրապարակել Ադրբեջանի ԱԳ նախարարությունը։

Նշվում է, որ հեռախոսազրույցի ընթացքում Չավուշօղլուն և Բայրամովը քննարկել են Ուկրաինայում ստեղծված իրավիճակը, ինչպես նաև մտքեր փոխանակել տարածաշրջանում ստեղծված իրավիճակի և 2020թ. նոյեմբերի 9-ին Ադրբեջանի, Ռուսաստանի և Հայաստանի միջև ստորագրված եռակողմ հայտարարության դրույթների կատարման շուրջ։

Կողմերը քննարկել են նաև փոխադարձ հետաքրքրություն ներկայացնող այլ հարցեր։