Մոսկվայի Լիտովսկի բուլվարում գտնվող Գիտությունների ակադեմիայի կենտրոնական կլինիկական հիվանդանոցի շենքերից մեկում հրդեհ է բռնկվել։ Այս մասին «ՏԱՍՍ»-ին հայտնել է արտակարգ իրավիճակների ծառայությունը:
«Ռուսաստանի գիտությունների ակադեմիայի կենտրոնական կլինիկական հիվանդանոցի շենքերից մեկի հինգերորդ հարկում հրդեհ է բռնկվել, պատուհաններից մարդիկ օգնություն են խնդրում»,- ասել է լրատվական գործակալության զրուցակիցը։
«Թանձր ծուխ է նկատվում: Հիվանդանոցի այրվող հատակին շատ մարդիկ կան։ Այս պահին մեծ քանակությամբ ԱԻՆ աշխատակիցներ փորձում են նրանց փրկել և տարհանել։ Հրդեհին վերագրվել է երկրորդ բարդության աստիճան: Դեպքի վայր է ժամանել շտապօգնության վեց մեքենա։ Վերջին տվյալներով՝ այրվող շենքից փրկվել է 12 մարդ, որոնց թվում կան անկողնային հիվանդներ՝ առնվազն երեք հիվանդ։ Շենքի հակահրդեհային պաշտպանության համակարգերը նորմալ աշխատել են»,- հավելել է գործակալության զրուցակիցը։
Վերջինիս խոսքով՝ Ժամը 14:46-ին հրդեհը մարվել է։ Զոհերի մասին տեղեկություններ դեռ չկան:
