«Այսօրվանից մենք՝ ուկրաինացիներս, 100 տոկոսով գիտենք, որ Ուկրաինան լինելու է ԵՄ անդամ, հիմա դա ժամանակի հարց է, եթե մինչ պատերազմը հիպոթետիկ երազում էինք, որ մի օր կդառնանք Եվրամիության անդամ, հիմա մենք համոզված ենք: Մենք կաշխատենք, որպեսզի դա տեղի ունենա որքան հնարավոր է շուտ»,- ասել է Կուլեբան ուրբաթ օրը ազգային հեռուստամարաթոնի ժամանակ, փոխանցում է Интерфакс-Украина-ն:

Կուլեբան խոստովանել է, որ Ուկրաինան սպասում էր ԵՄ առաջնորդների ոչ պաշտոնական գագաթնաժողովի որոշմանը, որպեսզի ասի, որ ԵՄ պայմանագրի 49-րդ հոդվածի համաձայն՝ Բրյուսելը Ուկրաինայի դիմումն ընդունում է և այն կքննարկի արագացված ընթացակարգով։

«Եթե համեմատենք մեր ակնկալիքները երեկ և այսօր, ապա, իհարկե, ավելին կցանկանայինք, բայց, սկզբունքորեն, այն, ինչ տեղի ունեցավ այսօր երեկոյան (եթե համեմատենք երեք շաբաթ առաջ ունեցածի հետ), ապա սա հեղափոխություն է, որը համապատասխանում է պահանջներին»,- ընդգծել է արտգործնախարարը։

Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:

ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։

Գերագույն Ռադան Ուկրաինայում ռազմական դրություն է մտցրել։