Բելառուսում սկսվել է ուկրաինական և ռուսական պատվիրակությունների բանակցությունների երկրորդ փուլը: Այս մասին հայտնում է «ՏԱՍՍ» լրատվական գործակալությունը:
Ռուսաստանի հետ բանակցությունների համար ուկրաինական պատվիրակությունը ժամանել է լեհական ռազմական ուղղաթիռներով։
Նշենք, որ Ուկրաինական պատվիրակության անդամը բանակցություններում «նվազագույն ծրագիրը» անվանել է հումանիտար միջանցքների հարցը։
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հանդես է եկել ուղերձով՝ հայտնելով Դոնբասում հատուկ ռազմական օպերացիա սկսելու որոշման մասին։
«Հանգամանքները մեզնից պահանջում են վճռական ու անհապաղ գործողություններ: Դոնբասի ժողովրդական հանրապետությունները խնդրանքով դիմել են Ռուսաստանին: Դրա հետ կապված որոշում եմ ընդունել հատուկ ռազմական գործողություն իրականացնել»,- հայտարարել է Պուտինը ՌԴ քաղաքացիներին ուղղված հեռուստաուղերձում:
Ուկրաինայի զինված ուժերի գլխավոր շտաբը հայտնել է, որ հինգշաբթի ժամը 5:00-ից (Երևանի ժամանակով 7:00-ից) ՌԴ ԶՈւ-ն ինտենսիվ հարձակումներ է իրականացնում ուկրաինական ռազմական օբյեկտների և օդանավակայանների վրա։
Մանրամասները՝ տեսանյութում:
