Թուրքիայի զինված ուժերն օդային օպերացիա են իրականացրել Իրաքի հյուսիսում գտնվող Զապ և Ավաշին շրջաններում, որտեղ ըստ թուրքական կողմի պնդման՝ տեղեկայված են քուրդ զինյալների հենակետեր: Վերջիններիս Թուրքիան համարում է ահաբեկիչներ:
Այս մասին հայտնում է Ermenihaber.am-ը:
Ըստ Թուրքիայի պաշտպանության նախարարության տեղեկությունների՝ գործողության ընթացքում սպանվել է 5 քուրդ զինյալ:
Թուրքական աղբյուրները նկատում են, որ առայժմ քրդական լրատվամիջոցները դեռևս ոչ մի տեղեկություն չեն հայտնում գործողության վերաբերյալ:
Հիշեցնենք, որ Թուրքիայում ահաբեկչական համարվող քուրդ զինյալների դեմ ռազմական գործողությունները իրականացվում են ոչ միայն երկրի ներսում, այլև Սիրիայում ու Իրաքում: Թուրքերը պնդում են, որ Սիրիայում գործում են «Քուրդիստանի բանվորական կուսակցության» (ՔԲԿ-PKK) ճյուղավորումներ, մինչդեռ քրդերը հերքում են թուրքական այդ թեզերը:
