Շրջակա միջավայրի նախարար Հակոբ Սիմիդյան ֆեյսբուքյան իր էջում գրել է․
«Ինչպես ավելի վաղ նախարարությունում տեղի ունեցած խորհրդակցության ժամանակ հայտնել էի` ինքս պատրաստվում եմ պարբերաբար այցերի միջոցով մասնակցել Սևանա լճում սիգի ձվադրման ժամանակահատվածով պայմանավորված խիստ վերահսկողության միջոցառումների ծրագրի ընթացքին:
Այսօր Գեղարքունիքի մարզպետի, ՀՀ Ոստիկանության Գեղարքունիքի մարզային վարչության, Բնապահպանության և ընդերքի տեսչական մարմնի ներկայացուցիչների ու «Սևան» ազգային պարկի տեսուչների հետ մասնակցեցինք լճից ապօրինի ցանցերի դուրսբերման աշխատանքներին:
Միջոցառումների ողջ ընթացքում լճի վրա հատուկ վերահսկողությունը շարունակվելու է:
Հարգելի քաղաքացինե´ր, այս ամենը միտված է մեր ազգային հարստություն Սևանա լճի էկոհամակարգի վերականգնմանը և կենսաբազմազանության պահպանությանն ու խելամիտ օգտագործմանը:
Հիշեցնեմ, որ Սևանա լճում սիգի ձվադրող վտառի պահպանությունը և բնականոն վերարտադրությունն ապահովելու նպատակով 2021 թվականի դեկտեմբերի 20-ից մինչև 2022 թվականի հունվարի 15-ը Սևանա լճում և Հայաստանի ողջ տարածքում իրականացվում է Սևանա լճում սիգի ձվադրման ժամանակահատվածով պայմանավորված վերահսկողության համատեղ միջոցառումների ծրագիրը»:
![Возможно, это изображение (2 человека, природа и водоем)](https://scontent.fevn1-4.fna.fbcdn.net/v/t39.30808-6/269966535_107784738439627_7018399714579314368_n.jpg?_nc_cat=111&ccb=1-5&_nc_sid=8bfeb9&_nc_ohc=Yl0nHhgU8q4AX9PYw_a&tn=6ScRJ4HwknpPxTLw&_nc_ht=scontent.fevn1-4.fna&oh=00_AT_mZxyn44KQ5PvKhuJadyKfoQuuIw5RUxszFyj_YNPZYw&oe=61CC1D6E)
![Возможно, это изображение (1 человек и водоем)](https://scontent.fevn1-4.fna.fbcdn.net/v/t39.30808-6/269845834_107784788439622_8183885789134022148_n.jpg?_nc_cat=107&ccb=1-5&_nc_sid=8bfeb9&_nc_ohc=VnAi0sCzo9IAX9UDhGi&_nc_ht=scontent.fevn1-4.fna&oh=00_AT9a56hSLUUvQbSg9cOvoOS5KHNon_mWalVmZXB6qovI6g&oe=61CCB7B4)
![Нет описания фото.](https://scontent.fevn1-4.fna.fbcdn.net/v/t39.30808-6/269801439_107784751772959_6793151520939202433_n.jpg?_nc_cat=109&ccb=1-5&_nc_sid=8bfeb9&_nc_ohc=hDtVCpEj7SkAX8yyQYM&tn=6ScRJ4HwknpPxTLw&_nc_ht=scontent.fevn1-4.fna&oh=00_AT-twrSZP3lTnq_7IYVuul8T4hrTbioRIegRku07DRuzKQ&oe=61CC86DE)