ՌԴ ՊՆ-ն անդրադարձել է նոյեմբերի 26-ին երկու հայ գերիների՝ Ադրբեջանի կողմից ազատ արձակմանը՝ նշելով․
«Ռուսական խաղաղապահ զորախմբի հրամանատարության աջակցությամբ ադրբեջանական կողմն ազատ է արձակել երկու գերիների և հանձնել հայկական կողմին։
Նշվում է նաև, որ ընդհանուր առմամբ, 2020 թվականի նոյեմբերի 23-ից ռուսական խաղաղապահ ինժեներական խմբերը չպայթած զինամթերքից մաքրել են 2320 հա տարածք, 683 կմ ճանապարհ, 1937 շինություն, հայտնաբերվել և վնասազերծվել է 26078 պայթուցիկ առարկա։
Հիշեցնենք, որ ՀՀ պաշտպանության նախարարությունից հայտնել էին, որ նոյեմբերի 26-ին Ադրբեջանը Հայաստանին է փոխանցել գերեվարված երկու քաղաքացի. Միհրան Էռնեստի Մուսայելյան (ծնվ. 2000թ.) և Արեն Ժիրայրի Արամյան (ծնվ. 1993թ.):
