Նշված դատական նիստը հետաձգվեց, քանի որ ամբաստանյալ Խաչատուր Պողոսյանը առողջական խնդիրների պատճառով չէր ներկայացել դատական նիստին, իսկ մյուս կողմերին դատական նիստին չներկայանալու մասին տեղյակ էր պահվել:
Դատարան ուղարկված ծանուցման համապատասխան՝ ամբաստանյալի արյան մեջ կտրուկ աճել է գլյուկոզայի քանակը և նա ի վիճակի չի ներկայանալ դատական նիստին:
Հիշյալ գործով մեղադրող դատախաղ Ա. Ամիրզադյանը նշեց, որ ամբաստանյալ Խաչատուր Պողոսյանը նախօրոք էր պլանավորել դատական նիստին չներկայանալ: Որպես ասվածի հիմնավորում նշեց, որ երեկվա նիստի ժամանակ, երբ նշանակվում էր հաջորդ նիստի օրը և ժամը, ամբաստանյալը հայտարարեց, որ նշանակված օրը ինքը չի կարող ներկայանալ, քանի որ տառապում է շաքարային դիաբետով, և անալիզների հանձման օրն է:
Ըստ Ա. Ամիրզադյանի Խ. Պողոսյանը չի ընդունել իրեն հատկացվող դեղորայքը, որի պատճառով էլ նրա առողջական վիճակը վատացել է, քանի որ դեղորայքի ընդունման դեպքում, հնարավոր չէր, որ ամբաստանյալի արյան մեջ առավոտյան այդքան բարձր լիներ գլյուկոզայի քանակը:
