Այսօր ԱՄՆ-ում նշվում է Կոլումբոսի օրը։ 1492թ․ հոկտեմբերի 12-ին Քրիստափոր Կոլումբոսը ափ դուրս եկավ Ամերիկյան մայրցամաքում, և այդ օրը մինչև հիմա նշվում է որպես Միացյալ Նահանգների պատմության վաղ շրջանի հիշարժան մի դրվագ։
Հայաստանում ԱՄՆ դեսպանությունը հայտնում է, որ տոնի կապակցությամբ երկուշաբթի օրը՝ հոկտեմբերի 11-ին, դեսպանությունում ոչ աշխատանքային օր է։ Հայաստանում գտնվող ԱՄՆ քաղաքացիների հետ կապված անհետաձգելի հարցեր առաջանալու դեպքում դեսպանության հետ կապ հաստատելու համար անհրաժեշտ տեղեկություններ կարող եք գտնել հետևյալ հղմամբ:
