2021 թվականին գրականության Նոբելյան մրցանակի է արժանացել Աբդուլրազակ Գուռնան։ Տանզանիացի գրողը հայտնի է «Դրախտ», «Անապատ» և «Ծովի մոտ» վեպերով:
Այս մասին հայտնել է Շվեդիայի գիտությունների թագավորական ակադեմիայի Նոբելյան կոմիտեն:
«Գրականության համար Նոբելյան մրցանակը տրվում է վիպասան Աբդուլրազակ Գուռնային «գաղութատիրության հետևանքների և փախստականների ճակատագրի ՝ մշակույթների և մայրցամաքների միջև անդունդի մեջ անզիջում և սրտացավ ներթափանցման համար»,-ասվում է հայտարարության մեջ։
