Ազգային ժողովի նախագահ Ալեն Սիմոնյանի մամուլի քարտուղար Ծովինար Խաչատրյանը Իրավաբան․net-ի հետ զրույցում հայտնել է, որ պատգամավորներից ոչ ոք դեռ չի հրաժարվել պարգևավճարից․ «16։40-ի դրությամբ՝ որևէ դիմում չկա»։
Նշենք, որ ԱԺ նախագահի կարգադրությամբ՝ ՀՀ անկախության 30-ամյակի առթիվ Ազգային ժողովի պատգամավորները, Ազգային ժողովի աշխատակազմի պետական ծառայողները և աշխատողները խրախուսվել են միանվագ դրամական պարգևատրմամբ։
Վաղ առավոտից պատգամավորները տեղեկացրել են, որ իրենց փոխանցվել է պարգևավճարի գումարը։ Ընդդիմադիր խմբակցությունների պատգամավորները հայտարարել են, որ նրանք պարգևավճարներից հրաժարվելու են կամ այդ գումարը որևէ ծրագրի են ուղղելու։
Խորհրդարանական մեծամասնությունը այս կապակցությամբ որևէ հայտարարություն դեռ չի արել։