Ամռան սկզբից Հայաստանում Viber-ի կողմից օգտատերերի բողոքների հիման վրա արգելափակվել է խարդախության նշաններ ունեցող շուրջ հարյուրավոր հաշիվներ: Հանցագործները հաճախ օգտագործում են հանրաճանաչ մեսենջերները՝ բանկերի հաճախորդների հետ կապ հաստատելու համար: Viber-ը նախազգուշացնում է ռիսկերի մասին և հիշեցնում՝ ինչպես պաշտպանվել, եթե խաբեբաները կապվում են ձեզ մեսենջերով: 

Խաբեբաները հաճախ զանգում կամ գրում են օգտատերերին և շփման/ հաղորդակցման ընթացքում տարբեր պատրվակներով փորձում են ստանալ օգտատերերի բանկային քարտի տվյալները կամ վճարային կեղծ հղումներ են ուղարկում։ 

Viber-ը հիշեցնում է, որ մեսենջերներով օգտատերերը չպետք է որևէ մեկին փոխանցեն

• բանկային քարտի տվյալները՝ հաշվեհամարը, վավերականության ժամկետը, 
• CVV- ծածկագիրը,
• որևէ PIN կոդ,
• ինտերնետ բանկինգի մուտքանունն ու գաղտնաբառը,
• 3D Secure համակարգի գաղտնաբառը,
• SMS գաղտնաբառը:

Բանկի աշխատակիցներից կամ ցանկացած այլ կազմակերպության ներկայացուցիչներից կասկածելի զանգեր կամ հաղորդագրություններ ստանալու դեպքում, որտեղ նրանք փորձում են գաղտնի տեղեկատվություն ստանալ ձեզանից, անհրաժեշտ է անմիջապես դադարեցնել նամակագրությունը և զանգահարել բանկի պաշտոնական կայքում կամ քարտի հետին մասում նշված համարին:

Viber-ի յուրաքանչյուր օգտատեր խաբեբայի հեռախոսահամարը կարող է նշել որպես «Սպամ»՝ կատարելով հետևյալ գործողությունները.

• բացե՛ք տվյալ օգտատիրոջ հետ երկխոսության պատուհանը,
• քանի որ ուղարկողը ձեր գրանցված համարների ցուցակում չէ, ծրագիրն անմիջապես ձեզ կառաջարկի «Ավելացնել հեռախոսահամարը», «Սա սպամ է» կամ «Արգելափակել» տարբերակները,
• Տվյալ օգտատիրոջն արգելափակելու համար կարող եք ընտրել երկու տարբերակներից որևէ մեկը՝ «Սա սպամ է» կամ «Արգելափակել». երկու դեպքում էլ նրա հաշիվը կարգելափակվի: Որոշակի քանակությամբ հաղորդագրությունների և բողոքների առկայության դեպքում, տվյալ օգտատերը կարգելափակվի Viber-ում և այլևս հնարավորություն չի ունենա որևէ մեկին անհանգստացնել մեսենջերի միջոցով:

Կեղծ հաշիվների մասին կարող եք նաև տեղեկություններ փոխանցել Viber-ի աջակցության կենտրոն՝

• տվյալ հեռախոսահամարը, որից կապ են հաստատել Ձեզ հետ Viber-ում, պետք է նկարել սքրինշոթի միջոցով,
• անցնել help.viber.com/ru/contact կայքի հղմամբ
• բացված պատուհանում լրացնել հետադարձ կապի համար նախատեսված հայտը՝ նկարագրելով խնդիրն ու կցել սքրինշոթը։

Viber-ը ձգտում է օգտատերերին տրամադրել մատչելի և անվտանգ հաղորդակցության հնարավորություն, անկախ նրանց գտնվելու վայրից։ Viber-ի բոլոր հաղորդագրությունները ծածկագրված են «վերջից վերջ» կոդավորմամբ (End-to-end encryption): Տվյալների փոխանցման այս մեթոդը ենթադրում է, որ միայն հաղորդակցվող կողմերը կարող են տեսնել բովանդակությունը: Կոդավորման բանալիները պահվում են օգտատերերի հեռախոսներում, և ոչ ոք չի կարող հասանելիություն ստանալ: Viber-ը չի պահում բովանդակությունը նաև իր սերվերներում. բոլոր հաղորդագրությունները ջնջվում են հասցեատիրոջն առաքվելուց հետո: Rakuten Viber ընկերությունն անընդհատ կատարելագործում է օգտատերերին պաշտպանելու իր ներքին մեխանիզմներն ու գործիքները: 

Rakuten Viber- ի մասին.

Viber -ը զանգեր կատարելու և հաղորդագրություններ գրելու հավելված է, որը թույլ է տալիս մարդկանց պահպանել կապը՝ անկախ նրաից, թե ով են և որտեղ են գտնվում։ 

Ամբողջ աշխարհում մեր օգտատերերը միմյանց ուղարկում են անվճար տեքստային հաղորդագրություններ, տեսազանգեր կատարում, զրուցում խմբային զրուցարաններում, համագործակցում իրենց նախընտրած ապրանքանիշերի և հայտնիների հետ, և թարմացված տեղեկություններ ստանում նրանց մասին:

Մենք երաշխավորում ենք մեր հավելվածի օգտատերերի հաղորդակցության ազատությունն ու անվտանգությունը:

Viber-ը Rakuten Inc.-ի մի մասն է, որը էլեկտրոնային առևտրի և ֆինանսական ծառայությունների համաշխարհային առաջատարն է: Հավելվածը հանդիսանում է Barcelona ֆուտբոլային ակումբի պաշտոնական մեսենջերը և Golden State Warriors բասկետբոլային ակումբի զանգերի և ակնթարթային հաղորդագրությունների պաշտոնական ծրագիրը: