Հայտնի է, թե Եվրամիության շուրջ 3 միլիարդ դոլարի հասնող աջակցությունը մեր երկրին որ ուղղությունների համար է նախատեսված: Այս մասին ֆեյսբուքյան իր էջում գրառում է կատարել 7-րդ գումարման Ազգային ժողովի պատգամավոր Արման Բաբաջանյանը:
«Եւ այսպես․
$712մլն. – հյուսիս-հարավի մայրուղու անավարտ նախագծի աշխատանքները ավարտելու համար։
$593 մլն. – 30.000 փոքր ու միջին ձեռնարկություններին ուղղակի աջակցության համար (շեշտը դնելով գյուղական և առավելապես այն ձեռնարկություններին, որոնց սեփականատերերը կանայք են):
$356 մլն. – IT ստարտափներին և էլեկտրոնային կառավարման (e-government) անցմանը։
$142 մլն – Երևանն առավել “խելացի քաղաք” (smart city) դարձնելու համար։
Եվ վերջապես ամենակարևորը՝
$95 մլն․ – Հայաստանի հարավի՝ Սյունիքի դիմադրողունակության բարձրացման համար աջակցություն Հայաստանի հարավային շրջանի բնակավայրերի բնակիչներին տարբեր ծրագրերով»,-նշել է նա:
