Իսրայելի ռազմաօդային ուժերը հարվածներ են հասցնում Գազայում գտնվող «Մոշթախի» բարձրահարկ շենքի վրա։
Այս մասին հայտնում է «ՌԻԱ Նովոստին»։
Լրատվականի աղբյուրները հայտնել են, որ բնակիչներին նախապես ասել են լքել շենքը:
Ավելի վաղ հայտնել էինք, որ Իսրայելը ավիահարված է հասցրել նաև Գազայի հատվածում գտնվող այն շենքին, որտեղ տեղակայված են միջազգային լրատվամիջոցների գրասենյակները, այդ թվում՝ «Al Jazeera»-ն, «Associated Press»-ը և այլ միջազգային լրատվամիջոցներ։
Հարվածից 15 հարկանի շենքը լրիվ փլուզվել է։
Լրատվամիջոցների աշխատակիցները, ինչպես նաև բնակիչները խուճապահար դուրս են եկել շենքից:
